भ्यालेन्टाइन डे मनाउन गएकी बालिका प्रेमीद्धारा बलात्कृत

समाचार

गृहपृष्ठ
समाचार

भ्यालेन्टाइन डे मनाउन गएकी बालिका प्रेमीद्धारा बलात्कृत

Parsa Online बिहीबार, फागुन ३, २०८०

वीरगञ्ज । सरस्वती पूजाको दिन भ्यालेन्टाइन डे मनाउन गएकी एक बालिकालाई उनका प्रेमीले बलात्कार गरेको घटना बाहिरिएको छ ।

बुधवार घरबाट सरस्वती पूजा भन्दै भ्यालेन्टाइन डे मनाउन प्रेमीसँग निस्केकी बालिका (सिराहा–१६ भनेर नाम परिवर्तन) लाई सिराहाको लहानस्थित एक होटेलमा लगेर बलात्कार गरेको बताइएको छ ।

बुधवार दिउँसो घरबाट निस्केकी सिराहा–१६ लाई उनका प्रेमीले लहानको होटेलमा लगेको र बलात्कार गरेको प्रारम्भिक बयान दर्ज गरिएको हो ।

सिराहाको बरियारपट्टि नगरपालिका बस्ने बालिकालाई सिराहाको सुखिपुर नगरपालिका वडा नं. २ बस्ने एक युवकले बलात्कार गरेको जनाइएको छ । सोही आरोपमा एक युवक पक्राउ परेका छन् । उनको नाम भने अहिले सार्वजनिक गरिएको छैनन् ।

बालिका रक्ताम्मे अवस्थामा होटेलमै अचेत देखिएपछि प्रहरीलाई खबर गरिएको थियो । प्रहरी घटनास्थल पुगेर सर्च अपरेसन चलाउँदै एक जनालाई बालिकाको बयानको आधारमा पक्राउ गर्न सफल भएको हो ।

प्रकाशित मिति: बिहीबार, पुस १७, २०२६

प्रतिक्रिया दिनुहोस्