भूकम्पको त्रासले बारामा १० जना बिद्यार्थी बेहोस, कलैया अस्पतालमा उपचार हुँदै

समाचार

गृहपृष्ठ
समाचार

भूकम्पको त्रासले बारामा १० जना बिद्यार्थी बेहोस, कलैया अस्पतालमा उपचार हुँदै

Parsa Online मंगलबार, पुस २३, २०८१

बारा - भूकम्पको त्रासले बाराको कलैयास्थित श्री ३ चन्द्र माध्यमिक विद्यालयका १० छात्रछात्रा बेहोस भएका छन् । कलैया अस्पतालमा उपचाररत उनिहरुको अवस्था सामान्य रहेको छ ।

कक्षाकोठामा पढिरहेका बेला भूकम्पको धक्का मससुस भएपछी बिद्यार्थी अत्तालिएका थिए । कक्षाकोठाबाट अत्तालिदै बाहिर निस्किएकामध्ये १० जना बिद्यार्थी बेहोस भएका हुन् ।

बेहोस भएका बिद्यार्थीलाई तत्कालै कलैया अस्पताल लगिएको थियो । अस्पताल लगिएका विद्यार्थी होसमा आइसकेका छन् । कलैया अस्पतालमा चिकित्सकको निगरानीमा रहेका उनीहरुको अवस्था अहिले सामान्य छ ।

कलैया उपमहानगरपालिकाका नगर प्रमुख विनोद साहले अस्पताल पुगेर बिद्यार्थीको स्वास्थ्य अवस्थाबारे जानकारी लिएका छन् ।

विद्यालयका प्रध्यानाध्यापक नरेन्द्र गिरीले भूकम्पपछि मंगलबारको पठनपाठन स्थगित गरिएको बताए । बिद्यार्थीहरु त्रासमा रहेको र उनिहरु कक्षाकोठामा जान नमानेपछि पठनपाठन स्थगित गरेर सबैलाई सुरक्षीतरुपमा घर पठाइएको बताए ।

प्रकाशित मिति: मंगलबार, पुस २३, २०८१

प्रतिक्रिया दिनुहोस्