चेकजाचमा फोन चलाउँदा पावर देखाउन खोजेको भन्दै प्रहरीद्वारा बुटै-बुटले निर्घात कुटपिट, भिडिओमाथी अनुसन्धान सुरु

समाचार

गृहपृष्ठ
समाचार

चेकजाचमा फोन चलाउँदा पावर देखाउन खोजेको भन्दै प्रहरीद्वारा बुटै-बुटले निर्घात कुटपिट, भिडिओमाथी अनुसन्धान सुरु

Parsa Online सोमबार, माघ ७, २०८१

रातको समयमा भरतपुरको बाइपास रोड क्षेत्रमा एक व्यक्तिमाथि प्रहरीले निर्घात कुटपिट गरिरहेको भिडिओ सामाजिक सञ्जालमा सार्वजनिक भएपछि प्रहरीले त्यसबारे अनुसन्धान सुरु गरेको छ । भिडिओ सामाजिक सञ्जालमा भाइरल भएपछि त्यसबारे सर्वत्र चासो आइरहेकोमा सत्यतथ्य पत्ता लगाउन अनुसन्धान थालेको चितवनका प्रहरी प्रमुख एसपी गौतम मिश्रले जानकारी दिए ।

मिश्रले आफूले पनि सामाजिक सञ्जालमा उक्त भिडिओ देखेको र प्रहरीबाट कुटपिट भइरहेको विषयमा अनुसन्धान आवश्यक रहेको पाएपछि अनुसन्धान अघि बढाइएको बताए । भिडिओमा एक प्रहरीले साँझको समयमा भरतपुरको बाइपास रोड क्षेत्रमा एक व्यक्तिमाथि निर्घातरुपमा कुटपिट गरेको देखिन्छ । मोटरसाइकलको लाइसेन्स चेक गरिरहेको पनि देखिन्छ । त्यहाँ सडकपेटी छेउमा सेतो सर्टमा रहेका मानिसलाई प्रहरीले बुटले पटक–पटक हानेको देखिन्छ ।

कसलाई फोन गर्छस् गर, भन्ने आवज समेत भिडियोमा छ। एसपी मिश्रका अनुसार थाहा पाउनासाथ सम्बन्धित प्रहरी र स्थानका बारेमा पहिचान गरेर घटनाका विषयमा जानकारी लिने काम हुँदैछ । भिडियोको यथार्थ पहिचान गरेर सम्बन्धित प्रहरीमाथि प्रहरी ऐन अनुसार कारबाही हुन्छ, उनले भने ।

प्रकाशित मिति: सोमबार, माघ ७, २०८१

प्रतिक्रिया दिनुहोस्