वीरगन्ज–११ मा सामुदायिक विवाद चर्किँदा प्रहरीद्वारा लाठीचार्ज, सेना परिचालनपछि स्थिति नियन्त्रणमा

समाचार

गृहपृष्ठ
समाचार

वीरगन्ज–११ मा सामुदायिक विवाद चर्किँदा प्रहरीद्वारा लाठीचार्ज, सेना परिचालनपछि स्थिति नियन्त्रणमा

Parsa Online आइतबार, फागुन १०, २०८२

वीरगन्ज: वीरगन्ज महानगरपालिका वडा नं. ११ श्रीपुरमा एक युवामाथि धारिलो हतियारले प्रहार गरिएको घटनापछि दुई समुदायबीच तनाव उत्पन्न भएको छ। घटनापछि स्थिति तनावग्रस्त बनेको भन्दै स्थानीय बासिन्दाहरू आक्रोशित भएका थिए।

स्थिति नियन्त्रणमा लिन पुगेको नेपाल प्रहरीले भीडलाई तितरबितर पार्न लाठीचार्ज गरेको जनाएको छ। तनाव बढ्दै गएपछि सम्भावित अप्रिय घटना हुन नदिन क्षेत्रमा ठूलो संख्यामा प्रहरी तथा सशस्त्र प्रहरी परिचालन गरिएको थियो।

सुरक्षा अवस्था थप मजबुत बनाउन नेपाली सेना समेत घटनास्थलमा परिचालन गरिएको छ। नेपाली सेना पुगेपछि हाल क्षेत्रको अवस्था क्रमशः सामान्य बन्दै गएको जनाइएको छ। सुरक्षाकर्मीहरूको सक्रिय उपस्थितिका कारण श्रीपुर क्षेत्रमा उच्च सतर्कता अपनाइएको छ।

घाइते युवाको अवस्था र घटनाको वास्तविक कारणबारे थप अनुसन्धान भइरहेको प्रहरीले जनाएको छ। प्रशासनले सर्वसाधारणलाई शान्ति कायम राख्न, संयमित रहन तथा कुनै पनि अफवाहमा विश्वास नगर्न आग्रह गरेको छ।

प्रकाशित मिति: आइतबार, फागुन १०, २०८२

प्रतिक्रिया दिनुहोस्