मध्यपूर्व क्षेत्रमा तनाव चुलिँदा विश्वभर उडान प्रभावित

समाचार

गृहपृष्ठ
समाचार

मध्यपूर्व क्षेत्रमा तनाव चुलिँदा विश्वभर उडान प्रभावित

Parsa Online शनिबार, फागुन १६, २०८२

काठमाडौँ — मध्यपूर्व क्षेत्रमा विकसित हुँदै गएको सुरक्षा तथा राजनीतिक परिस्थितिका कारण शनिबार विभिन्न देशहरूले हवाई क्षेत्र अस्थायी रूपमा बन्द गरेपछि मध्यपूर्वी आकाश हुँदै युरोप, क्यानडा र संयुक्त राज्य अमेरिकालगायतका गन्तव्यका लागि हुने अन्तर्राष्ट्रिय उडानहरू व्यापक रूपमा कटौती भएका छन् । यस निर्णयले हजारौं यात्रुहरू प्रत्यक्ष रूपमा प्रभावित भएका छन् भने विश्वव्यापी उड्डयन सञ्जालमा समेत असर परेको अन्तराष्ट्रिय संचारमाध्यमले जनाएका छन् ।

कुवेतको सार्वजनिक नागरिक उड्डयन प्राधिकरणले क्षेत्रीय सुरक्षा विकासलाई ध्यानमा राख्दै कुवेत अन्तर्राष्ट्रिय विमानस्थलको हवाई क्षेत्र अस्थायी रूपमा बन्द गर्ने घोषणा गरेको छ । प्राधिकरणका प्रवक्ता अब्दुल्लाह अल–राज्हीले यात्रु, विमान कम्पनी र विमानस्थल सञ्चालनको सुरक्षा सुनिश्चित गर्न पूर्वसावधानी कदमस्वरूप यस्तो निर्णय गरिएको बताएका छन् । सम्बन्धित निकायहरू स्थानीय तथा अन्तर्राष्ट्रिय साझेदारहरूसँग समन्वय गरी अवस्था अनुगमन गरिरहेको उनले जनाएको एजेन्सीहरुले समाचारमा उल्लेख गरेका छन् ।

जजिरा एयरवेजले कुवेत अन्तर्राष्ट्रिय विमानस्थल बन्द भएपछि आफ्ना सबै उडानहरू अर्को सूचना नभएसम्मका लागि स्थगित वा ढिलाइ हुने जनाएको छ । कुवेत जाने वा त्यहाँबाट प्रस्थान गर्ने यात्रुहरूलाई कम्पनीबाट सूचना नआएसम्म विमानस्थल नजान आग्रह गरिएको छ ।

प्रकाशित मिति: शनिबार, फागुन १६, २०८२

प्रतिक्रिया दिनुहोस्