९ हजार बढी मतान्तरले काठमाडौं-१ मा रास्वपाकी रञ्जु दर्शना विजयी घोषणा

राजनीति

गृहपृष्ठ
राजनीति

९ हजार बढी मतान्तरले काठमाडौं-१ मा रास्वपाकी रञ्जु दर्शना विजयी घोषणा

Parsa Online शुक्रबार, फागुन २२, २०८२

काठमाडौं निर्वाचन क्षेत्र नम्बर १ मा रास्वपा उम्मेदवार रञ्जु दर्शना विजयी घोषणा भएकी छन्।

मुख्य निर्वाचन अधिकृत चुरामन खड्काले रास्वपा उम्मेदवार दर्शनालाई विजयी घोषणा गरेका हुन्।

रञ्जुले १५ हजार ४५५ मत प्राप्त गरेकी छन्। यहाँ कुल २९ हजार ७७४ मत खसेको थियो। प्रतिस्पर्धामा २९ जना उम्मेदवार छन्।

दोस्रो पटक प्रतिनिधि सभा सदस्य उम्मेदवार बनेकी न्यौपानेले प्रतिस्पर्धी उम्मेदवार नेपाली कांग्रेसका प्रबल थापालाई मतान्तरले पछि पारेकी हुन्। थापाले ६ हजार ३६४ मत ल्याए।

यसअघिका निर्वाचनमा कडा टक्कर दिँदै आएका राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रले ३ हजार ९७२ मत ल्याए। चौथो स्थानमा रहेका नेकपा एमालेका मोहन रेग्मीले १ हजार ६१८ मत ल्याए।

न्यौपाने २०७४ सालको स्थानीय तह निर्वाचनमा काठमाडौं महानगरपालिकाको मेयर पदमा उम्मेदवारी दिएर चर्चामा आएकी थिइन्। विवेकशील अभियानमार्फत् राजनीतिमा पाइला राखेकी न्यौपानेले २०७४ सालको स्थानीय तह निर्वाचनमा २३ हजार बढी मत ल्याएकी थिइन्।

२०७९ सालको प्रतिनिधि सभा निर्वाचनमा काठमाडौं–५ बाट प्रतिनिधि सभा सदस्यमा स्वतन्त्र उम्मेदवारी दिएकी उनले अपेक्षित मत प्राप्त गर्न सकिनन्। सेलरोटीको चाङ चुनाव चिह्न लिएर उक्त निर्वाचनमा उम्मेदवार बनेकी न्यौपानेले ६०० हाराहारी मात्रै मत ल्याएकी थिइन्। त्यसपछि राजनीतिमा पछि परेकी न्यौपाने रास्वपा प्रवेशसँगै पुनरागमन भएकी हुन्।

प्रकाशित मिति: शुक्रबार, फागुन २२, २०८२

प्रतिक्रिया दिनुहोस्