बंगलादेशले ११ वर्षपछि पाकिस्तानसँगकाे एकदिवसीय अन्तर्राष्ट्रिय क्रिकेट शृङ्खला जित्याे

खेलकुद

गृहपृष्ठ
खेलकुद

बंगलादेशले ११ वर्षपछि पाकिस्तानसँगकाे एकदिवसीय अन्तर्राष्ट्रिय क्रिकेट शृङ्खला जित्याे

Parsa Online सोमबार, चैत २, २०८२

पाकिस्तानसँगको तीन खेलको एकदिवसीय अन्तर्राष्ट्रिय क्रिकेट शृङ्खला बंगलादेश जितेकाे छ।

ढाकामा आइतबार भएको तेस्रो तथा अन्तिम खेलमा बंगलादेशले पाकिस्तानलाई ११ रनले पराजित गर्दै २–१ ले शृङ्खला जितेको हो । बंगलादेशले दिएको २ सय ९१ रनको लक्ष्य पछ्याएको पाकिस्तानले ५० ओभरमा सबै विकेट गुमाएर २ सय ७९ मात्र बनाउन सकेकाे थियाे । पाकिस्तानका सलमान अली आगाले ९८ बलमा १ सय ६ रन बनाए पनि जितका लागि पर्याप्त भएन । बंगलादेशका तास्किन अहमदले ४ विकेट लिएका थिए ।

त्यसअघि टस हारेर ब्याटिङ गरेको बंगलादेशले ५० ओभरमा ५ विकेट गुमाएर २ सय ९० रन बनाएको थियो । बंगलादेशका तन्जिद हसन तमिमले १ सय ७ रन बनाएका छन् । पाकिस्तानका हरिस रउफले ३ विकेट लिएका थिए । शृङ्खलाको पहिलो खेल बंगलादेशले ८ विकेटले जितेको थियो । दोस्रो खेलमा पाकिस्तान डकवर्थ लुइस नियमका आधारमा १ सय २८ रनले विजयी भएको थियो ।

बंगलादेशले ११ वर्षपछि पाकिस्तानसँगकाे एकदिवसीय शृङ्खला जितेकाे हाे । यसअघि सन् २०१५ मा पाकिस्तानसँगकाे तीन खेलकाे एकदिवसीय शृङ्खलामा बंगलादेशले क्लिन स्वीप गरेकाे थियाे ।

प्रकाशित मिति: सोमबार, चैत २, २०८२

प्रतिक्रिया दिनुहोस्