गुरुङको ‘Good Morning’ स्टाटसपछि सामाजिक सञ्जाल तातेको: आज कसको पालो?

राजनीति

गृहपृष्ठ
राजनीति

गुरुङको ‘Good Morning’ स्टाटसपछि सामाजिक सञ्जाल तातेको: आज कसको पालो?

Parsa Online सोमबार, चैत २३, २०८२

पर्सा / गृहमन्त्री सुदन गुरुङले सामाजिक सञ्जालमा ‘Good morning’ लेखेसँगै फेरि पक्राउ हुने व्यक्तिबारे अड्कलबाजी सुरु भएको छ। यसअघि पनि यस्तै स्टाटसपछि विभिन्न व्यक्तिहरू पक्राउ परेका घटनाले सामाजिक सञ्जालमा चासो बढाएको हो।

गुरुङको पछिल्लो स्टाटसपछि प्रयोगकर्ताहरूले “आज कसलाई पक्राउ गर्ने तयारी हो?” भन्दै प्रश्न उठाइरहेका छन्। यसअघि उनले ‘गुड मर्निङ’ लेखेको केही समयमै विभिन्न व्यक्तिहरूलाई नियन्त्रणमा लिएको भन्दै आलोचना र चर्चा दुवै भएको थियो।

यसअघि गृहमन्त्री गुरुङले करिब १० जना पक्राउ गरिसकेको जानकारी सार्वजनिक भएको थियो। त्यसकै आधारमा अहिलेको स्टाटसलाई लिएर फेरि कुनै कारबाही हुने हो भन्ने अनुमान सामाजिक सञ्जालमा व्यापक बनेको छ।

यद्यपि, यस विषयमा गृहमन्त्रीको तर्फबाट कुनै औपचारिक प्रतिक्रिया आएको छैन। पछिल्ला गतिविधिले भने उनको सामान्य स्टाटससमेत राजनीतिक संकेतका रूपमा हेरिन थालेको देखिन्छ।

प्रकाशित मिति: सोमबार, चैत २३, २०८२

प्रतिक्रिया दिनुहोस्